Taro pentekostalno buđeniba đi avdive

E Hristesri jevanđeosko Khanđiri (HJC) pripadini ko protestantsko, jevanđeosko hem pentekostalno pokreto. Lake duhovna koreni upro prostori e avdisutne Srbijakoro džana đi ko početko e XX vekosoro hem đi ko pentekostalno buđeniba savo astarđa e hrišćansko zajednice ano sa o sveto.

O početko

Ano berš 1906. ani Beška počinela te sikavel pe duhovno buđeniba maškar e verujime e okova vremesere evangeličko khanđirjengere. E verujime, pašo redovna bogosluženja, čedena pe ine ano čhera zaki molitva, sikaviba e Svete lilestar hem zajedništvo.

Ano berš 1907. zapisime si e angluna iskustva e krštenjesere ano Sveto Duho maškar e verujime ano Srem, savo tegani sine kotor tari Austro-Ugarska. O pokreto polako bajrovđa hem ovđa samostalna pentekostalna čediba.

Lesere osnovna vrednostija sine i vera ano Isus Hristo, o autoriteto e Svete lilesoro, o nevo bijandipe, o krštenje e verujimengoro, o krštenje ano Sveto Duho, e duhovna darija, i molitva hem i evangelizacija.

O angluno pentekostalno pokreto na sine taro početko jekh organizacija. Barjonde ine pobuter zajednice hem khanđirjaće pravcija – maškar lende i Kristova Duhovna Crkva – malokrštenih hem i Hristova Pentekostna Crkva, hem avera pentekostalna zajednice, posebno maškar e Rumunija ano Banato.

Sine razlike ano sikaviba hem ani khanđirjaći praksa, ali phandela len ine zajedničko pentekostalno iskustvo: i vera ano Isus Hristo, o nevo bijandipe, o krštenje ano pani hem ano Sveto Duho, i molitva, e duhovna darija hem o propovediba e Šukar lafesoro. Akale anglune pokretostar ka barjon različna istorijska linije save palo adava ka oven len pumare posebna droma.

Duj istorijska linije

Palo Dujto svetsko marikeribe e pentekostalna zajednice ulena ano nevo vreme. Ano berš 1950. počinela o proceso lengere organizaciono phandipasoro. Ano naredna berša barjola hem organizujini pe i Hristova Pentekostna Crkva, a taro 1954. akava anav ovela ustaljeno anav jekhe taro glavna pentekostalna organizacije ani tegani Jugoslavija.

I Vojvodina ačhola jekh taro lake važna centrija. Maškar e nosioci akale granakere sine hem o Dragutin Volf, kasoro centro e delovanjesoro sine ano Novi Sad, kotar i buti bajrovđa ani sa i Vojvodina hem ani sa i SFRJ.

Ano isto vreme, i dujto istorijsko linija džala po drom savo isi le koreni ano angluno pokreto tari Beška. Ano berš 1950. (28. avgust) formalno registrujini pe sar Kristova Duhovna Crkva – malokrštenih. Akava berš na sikavela o početko e pokretosoro, nego lesoro formalno organizovanje ane neve palomarikerimaće okolnostija.

Ano šezdesete berša aven neve organizaciona promene – i istorijsko linija e Kristova Duhovna Crkva – malokrštenih džala pobuter kroz i Kristova Duhovna Jevanđelska Crkva. I Subotica ovela jekh taro važna centrija akale zajednicakere, savi ani Subotica neformalno čedela pe ine još taro 1936. Maškar e nosioci akale granakere sine hem o József Szabó, kasoro delovanje sine taro Subotica, a i buti bajrovđa majbut maškar e ungrikano populacija.

Ani dujto opaš e XX vekosoro i khanđiri barjola kroz e lokalna khanđirja, evangelizacija, misionarsko buti, biblijsko sikaviba, buti e familijencar, e čhavorencar hem e ternencar, hem kroz spremiba e propovednikengoro hem avere služiteljengoro.

Ano vreme palo marikeribe o muj e pokretosoro ovela sve pobuter multietničko – kroz srpska, ungrikane, rumunska, slovačka, romane hem avera zajednice. Ano vreme o pentekostalno svedočanstvo na sine pobuter samo vojvođansko: bajrovđa đi ko Beograd, i centralno hem južno Srbija hem avera kotora e phuvjakere. Ćerdile neve khanđirja hem uljile neve propovednikija hem verujime. O pokreto savo isi le istorijsko početko ano jekh sremsko than ovđa kotor e bareder jevanđeosko hem pentekostalno pokretosoro ani Srbija.

E lokalna khanđirja si kotor tari jekh duhovno familija HJC. Sa e khanđirja upravljinena o Starešinstvo hem i Skupština, a e lokalna zajednice isi len samostalnost ano ingariba ple aktivnostijengoro hem službengoro, ano zajedništvo e sa e HJC-eja.

E Hristesri jevanđeosko Khanđiri avdive

Ano palutne dekade akala duj granake ćerena buti ano različna periodija – nesavi vreme odvojeno, nesavi vreme zajedno. Ano berš 2011. phandile ani jekh khanđirjaći zajednica – E Hristesri jevanđeosko Khanđiri, talo vođstvo e Viktor Sabosoro. Ađahar o istorijsko nasledstvo e različna tokengoro phandilo ani jekh khanđirjaći familija.

Avdive o HJC isi le 23 lokalna khanđirja hem 17 misijaće stanice ani Srbija. Pašo lokalno khanđirjaći buti, barjarela evangelizaciono hem misionarsko služba, buti e čhavorencar, e ternencar hem e muršencar, biblijsko sikaviba, izdavaštvo, rehabilitaciono buti kroz Raskršće hem misijsko delovanje ano regiono.

E Hristesri jevanđeosko Khanđiri (HJC) si jevanđeosko zajednica pentekostalno duhovno identitetoja hem kotor e globalno zajedništvosoro Assemblies of God (World Assemblies of God Fellowship – WAGF). Isto si članica e Pentecostal European Fellowship (PEF).

Pobuter taro jekh veko palo angluna pentekostalna čediba ano Srem, o HJC džala pobuter ple poslanjeja: te propovedini o Šukar lafi e Isuse Hristestar, te vazdel učeniken, te spremini služiteljen, te ćerel neve zajednice hem te služini e manušenđe ani Srbija hem pobuter.