I khanđiri e dživde Devlesiri

Radostaja akharina tumen ki 5. Pentekostalno Jevanđeosko Konferencija e Srbijakiri – beršesko čediba e hrišćanengoro taro razna khanđirja hem zajednice save ulavena barvalo pentekostalno nasledstvo.

Akaja konferencija si than e maladibasoro, zajedništvosoro, ohrabribasoro hem vazdibasoro e Khanđirjakoro. Mangas, na značini savi denominacija, lokalno khanđiri ili služba, te čedas amen trujal okova so isi amen zajedničko – o Isus Hristo, o Lafi e Devlesoro, o Sveto Duho hem o poslanje e Khanđirjakoro.

I konferencija sako berš ćerela pe ane aver diz ani Srbija. Ane angluna berša čedinđam amen ano Beograd, ano Novi Sad, ano Kraljevo hem ano Leskovac, a akava berš pale irinas amen ano Beograd.

I tema akale beršesiri konferencijaći si „I khanđiri e dživde Devlesiri”. Ano vreme e bare promenengoro hem izazovengoro, mangas pale te podsetina amen ko si i Khanđiri, kaste pripadina hem sar valjani te dživdina sar narodo e Devlesoro.

Ka vaćeren lokalna pastirija hem služitelja, ka ulaven o Lafi e Devlesoro hem iskustva tari služba ane amare khanđirja hem zajednice. Akharina tumen te nakhavas zajedno akava đive ano slaviba e Devlesoro, molitva, Lafi e Devlesoro, zajedništvo hem ohrabriba.

I prijava ćerela pe kroz e pastirija e khanđirjengere save učestvujinena. Zako pobuter informacije hem prijava javin tut ćire pastirese.

Mišto avilen – zajedno sar i khanđiri e dživde Devlesiri!