Amendar · Veroispovest
O Sveto lil, savo džanela pe sar Biblija, si nadahnime lafi e Devlesoro hem amaro konačno autoriteto ano pučiba e veraće hem e praksaće. Akala tačke temelji pe upro Sveto lil hem dena pe sar temelji zaki zajedničko vera, zajedništvo hem služba.
Lafi savo menjini o dživdipe
„…te maren tumen zaki vera savi jekhvar zauvek dindi e svetone manušenđe.”
Juda 1:3
3.1
Verujina ano jedinstvo e čačutne hem dživde Devlesoro, kova si večno hem korkoro postojini, hem kova sikadilo sar jekh biće ano trin ličnostija – o Dad, o Čhavo hem o Sveto Duho, hem kova si Tvorco hem Svedržitelj sa okolesoro so dičhola hem na dičhola.
1 Mojsijeva 1:1; 5 Mojsijeva 6:4; Psalam 86:9-10; Isaija 43:10-11; Matej 28:19; Marko 12:29; Jovan 1:1-3
3.2
Verujina ano Gospod Isus Hristo, kova sine hem si večno Čhavo e Devlesoro; kova ovđa manuš e Svetone Duhostar hem bijandilo tari Devica Marija. Verujina ano lesoro dživdipe bizo greh, čudotvorno služba, lesoro meriba zako pomiriba e manušesoro e Devleja, vazdiniba ano trupo, slavno vaznesenje hem bizo prekid molitva amenđe.
Isaija 7:14; Matej 1:23; Luka 24:39; Dela 1:9; 2:22; 10:38; Rimljanima 8:34; 1 Korinćanima 15:4; 2 Korinćanima 5:21; Efescima 4:8-10; Jevrejima 7:25-26; 1 Petrova 2:22
3.3
Verujina ano Sveto Duho, kova uvek isi hem ćerela buti ano ubediba hem nevjariba e grešnikesoro, hem ano posvetiba hem ingariba e verujimengoro ano sa o čačipe.
Jovan 14:26; 16:8-11; Rimljanima 8:14; 1 Petrova 1:2
3.4
Verujina ano verbalno potpuno nadahnuće e Svete lilesoro, odnosno e Phure hem e Neve zavetosoro ane originalna čhiba. Sa o lil dindo si e Devlesere nadahnućeja hem si bizo greška, savršeno sikavela i volja e Devlesiri pali manuš ano sa so valjani zako spasiba, hem si potpuno dovoljno ano autoriteto ano sa e pučiba e veraće hem e ponašanjesere.
Matej 5:17-18; 24:35; 2 Timotej 3:16-17; 2 Petrova 1:19-21
3.5
Verujina dai isi o beng sar ličnost, kova plo uticajeja ćerđa o pejiba e manušesoro, hem kova akana trudini pe te uništini i vera sakone verujimesiri ano Gospod Isus Hristo.
1 Mojsijeva 3:1-15; Matej 4:1-11; Luka 4:1-13; Jovan 13:2; Jakov 4:7; 1 Petrova 5:8
3.6
Verujina dai o Devel ćerđa e manuše ple slikaće, moralno savršeno hem pravedno, ali o manuš pelo dobrovoljno grehoja. Adalese sa e manuša si odvojime taro angluno pravednost, adalese so si, e grehostar, bizo duhovno dživdipe.
1 Mojsijeva 1:26-31; 3:1-7; Rimljanima 5:12-21
3.7
Verujina dai o odgovoro e Devlesoro upro grešno stanje e manušesoro arakhela pe ano meriba lesere Čhavesoro, e Gospode Isuse Hristesoro, upro krsto. Lesere patnje hem o čhordo rat dinđe potpuno pomiriba zako grehija sa e svetosere. Avri adalestar, aver temelji zako spasiba nane.
2 Korinćanima 5:18-21; Galatima 1:4; Efescima 1:7; Kološanima 1:14; Jevrejima 9:25-26; 1 Petrova 1:19-20
3.8
Verujina dai o spasiba priminela pe pokajanjeja angli o Devel hem veraja ano Gospod Isus Hristo. Akava iskustvo akhardo si hem nevo bijandipe hem si trenutno hem potpuno delovanje e Svetone Duhosoro savestar o grešniko kova verujini nevo bijandola, opravdini pe hem lela pe ani familija e Devlesiri, hem ovela nevo stvorenje ano Hristo Isus hem naslednik e večno dživdipasoro.
Tit 2:11; 3:5-7; 1 Petrova 1:23; 1 Jovanova 5:1
3.9
Verujina dai i khanđiri si o trupo e Hristesoro, e devlikane zadatkoja te pherel o Baro poslanje. Sako verujimo, bijando taro Duho, si kotor taro opšto sabor hem tari khanđiri e nevo bijandengiri, kasere anava si pisime ano nebo.
Efescima 1:22-23; 2:22; Jevrejima 12:23
3.10
Verujina dai o krštenje, potapanjeja, ano anav e Dadesoro, e Čhavesoro hem e Svetone Duhosoro, si dindo sarenđe kola pokajinđe pe hem poverujinđe ano Hristo sar Spasitelj hem Gospod, hem dai sikavela amaro phandipe e Hristeja ano lesoro meriba, praxome hem vazdiniba.
Matej 28:19-20; Marko 16:16; Dela 2:38-39; 10:47-48; Rimljanima 6:4-5; Kološanima 2:12
3.11
Verujina dai e nevo bijande hrišćanija valjani te učestvujinen ani Večera e Gospodesiri, odnosno ani Pričest, savija ano poseban način priminena sa e blagoslovija e Gospodesere hem duhovno zoralipe zako posvetiba hem odvojiba taro sa so si bilačho.
Jovan 17:15-19; Dela 15:8-9; Rimljanima 12:1-2; 1 Solunjanima 4:3-4; 5:23-24; Jevrejima 2:11; 10:16-19
3.12
Verujina dai e krštenjeja ano Sveto Duho o verujimo pherela pe zoralipaja te ovel efikasno svedoko e Hristesoro. Verujina ano natprirodna darija e Svetone Duhosere, save dena pe e Khanđirjaće zako lako vazdiba hem zako Baro poslanje.
Luka 24:49; Dela 1:4-5, 8; 2:1-4; 8:15-19; 11:14-17
3.13
Verujina ano darija e službaće e Hristesere: o Devel dinđa jekhen zako apostolja, averen zako proroci, jekhen zako evangelizatorja, a averen zako pastirija hem učitelja.
Efescima 4:11-13
3.14
Verujina dai hem avdive ćerena buti e inja natprirodna darija e Svetone Duhosere.
1 Korinćanima 12:8-10
3.15
Palo sikaviba e Svete lilesoro, verujina dai o nebesko Dad ka arakhel amen hem ka sastarel amare trupija taro nasvalipa. O devlikano sastiba e trupesoro, sar hem sa e spasonosna blagoslovija e Devlesere, dindo si e otkupljujuće meribaja hem e pobedonosno vazdinibaja e Gospode Isuse Hristesoro. Adava si privilegija sa e verujimengiri savi priminela pe veraja ano bizo promena obećanja amare nebeske Dadesere.
2 Mojsijeva 15:26; Psalam 103:3; Isaija 53:4; Matej 8:16-17; Marko 16:17-18; 1 Petrova 2:24; Jakovljeva 5:14-15
3.16
Verujina ano pašo, lično iriba amare Gospode Isuse Hristesoro te čedel plo narodo ko peste. Kad isi amen akaja slavno nada hem očekujiba, užarina amen, sar so si ov užo, te ova spremna te dočekina le kad ka avel.
Jovan 14:1-3; 1 Solunjanima 4:15-17; Titu 2:13; Jakovljeva 5:7-8; 1 Jovanova 2:28; 3:2-3
3.17
Verujina dai o Gospod Isus Hristo ka irinel pe te ćerel plo hiljaduberšesiri vladavina upri phuv.
Psalam 96:10-13; Danilo 7:22; Zaharija 14:5; Otkrivenje 5:9-10; 20:1-10
3.18
Verujina ani večno kazna e bilačhengiri, okolengiri kola dobrovoljno odbacinena hem preziren o mangipe e Devlesoro savo sikadilo ano baro žrtva lesere jekhore Čhavesoro upro krsto zako lengoro spasiba.
Matej 25:46; 13:49-50; Luka 12:47-48; Rimljanima 6:23; 2 Solunjanima 1:8-9; Otkrivenje 20:11-15
3.19
Priminina hem verujina ani ispovest e veraći savi džanela pe sar Nikejsko Simbolo e Veraće, adalese so potvrdini la o Sveto lil.
Ćitin o Nikejsko Simbolo e VeraćeIzvor: Veroispovest HJC, poglavlje II – Verovanja.
