Vera savi pobedini

„O Devel isi le tumenđe nešto but pošukar nego so sine tumen đi akana.” Akaja poruka e Smith Wigglesworthesiri si važno avdive sar hem tegani kad pisinđa la angluno drom, angleder pobuter taro saranda berša.

O Smith phirđa hem propovedinđa ano sa o sveto hem molinđa pe zako manuša ane vozija hem ane brodija, ane hotelsko soba hem ane bolnice. A o Devel čudesno sastarđa hem oslobodinđa e manušen taro lengere nasvalipa hem slabostija. Hem dok o Wigglesworth ulavela amencar akala čudesna priče, mangela te hem amen avdive te doživina o isto zoralipe.

I vera si ključo e hrišćansko dživdipasoro pherdo strastija. Na i vera savi phenela: „Adava na šaj!”, nego i vera savi phenela: „E Devleja sa šaj!” Sar, ađahar, šaj te barjara vera savi pobedini hem ane majphare okolnostija? Kad ka ova poslušna e Devlese hem ka dživdina te ovel lese ugodno. Adava si okova so o Wigglesworth akharela ine „dživdipe talo asaviba e Devlesoro”.