Ispovest e veraći
O Nikejsko Simbolo e Veraće
Priminina hem verujina ani ispovest e veraći savi džanela pe sar Nikejsko Simbolo e Veraće. Verujina ani late adalese so potvrdini la o Sveto lil.
Verujinav ano jekh Devel, o Dad, o Svedržitelj, kova ćerđa o nebo hem i phuv hem sa so dičhola hem na dičhola.
Hem ano jekh Gospod Isus Hristo, o Čhavo e Devlesoro, o Jekhoro, bijando taro Dad angleder sa e vekija;
Svetlost tari Svetlost, čačutno Devel taro čačutno Devel; bijando, a na ćerdo, jekh suštinaja e Dadeja, kroz kaste sa ovđa;
Kova amare manušenđe hem amare spasibaće huljiljo taro nebo, hem ovđa manuš e Svetone Duhostar hem tari Devica Marija, hem ovđa manuš;
Kova sine trušulja ano vreme e Pontije Pilatesoro, hem patinđa hem praxome sine;
Hem vazdindilo ano trinto đive, palo Lil;
Hem uštino ano nebo hem bešela ki desno rig e Dadesiri;
Hem pale ka avel slavaja te sudini e dživden hem e mulen; lesere carstvose na ka ovel krajo.
Hem ano Sveto Duho, o Gospod, kova dela dživdipe, kova ikljola taro Dad, kaste e Dadeja hem e Čhaveja zajedno poštujina hem slavina, kova vaćerđa kroz e proroci.
Ani jekh sveto, saborno hem apostolsko Khanđiri.
Priznajinav jekh krštenje zako oprostiba e grehengoro.
Užarav o vazdiniba e mulengoro hem o dživdipe e avutne vekosoro.
Amin.
Ispovest e veraći
Pali simbolo e veraće
Zajedničko vera e hrišćanengiri kroz e vekija
O Nikejsko Simbolo e Veraće si tikni ispovest e osnovna čačipnengiri e hrišćansko veraći, savi ćerdili ane sabora ani Nikeja (325) hem ano Carigrad (381). E hrišćanija ano sa o sveto vaćerena le hem avdive, sar zajedničko temelji e veraće ano Dad, Čhavo hem Sveto Duho.