O zoralipe e jedinstvosoro

Dikh e propovedija Galerija

Datumo

06–07. novembar 2026

Vreme

pet 17:00 – sav 22:00

Than

Novosadsko sajmo, Baro sala

Snimkija

YouTube · Dobra vest

Pali konferencija

Zajedno injam pozoraleder

I beršesko konferencija „O zoralipe e jedinstvosoro” čedinđa 6. hem 7. novembar 2026. upro Novosadsko sajmo verujimen taro khanđirja ani sa i Srbija. Duj đive zajedno šundžam o Lafi e Devlesoro, slavindžam hem molindžam amen, hem sikljilam sar o zajedništvo, i vera hem i međusobno podrška anena zoralipe e manušenđe, e familijenđe hem e khanđirjenđe. Amare gostija ko kurko, 8. novembar, služinde hem ko bogosluženje ani khanđiri „Dobra vest” ano Novi Sad.

So zajedno doživindžam:

Inspirativna poruke hem propovedija
Vreme e slavibasoro hem e molitvaće
Druženje e verujimencar taro sa i Srbija
Ohrabriba zako lično duhovno barjovipe hem služba

„Dikh, sar šukar hem sar lačhe kad e phralja dživdinena khetane!”

Psalmo 133:1

O zoralipe e jedinstvosoro 2026 – plakato

Vaćerena

Gostija e konferencijaće

Akava berš služinde amenđe gostija tari međunarodno služba World Challenge taro SAD.

Gary Wilkerson

Predsedniko e službaće World Challenge

Predsedniko e međunarodno službaće World Challenge, savi osnovinđa lesoro dad, o evangelizatoro David Wilkerson. Pisaco hem vaćerdo okolo 50 berša služba – osnovinđa khanđirja hem vaćerđa upro konferencije zako pobuter taro 150.000 pastirija ano 70 phuvja. Kroz World Challenge brinini pe zako siročadija hem udovice ano čorore hem progonjena kotora e svetosere. E romnjaja Kelly dživdini ano Colorado Springs; isi len štar čhavore hem dešuduj unučija.

Evan Wilkerson

Direktoro e Next Gen službaće, World Challenge

Čhavo e Gary Wilkersonesoro hem unuko e evangelizatoresoro David Wilkerson. Ano berš 2013. osetinđa o akhariba e Devlesoro ani služba hem taro tegani propovedini ani sa i SAD hem ano inostranstvo, anela poruka e nadaći e khanđirjaće, a posebno okolenđe kola maren pe e zavisnostija. Magistririnđa hrišćansko apologetika upro Talbot School of Theology. E romnjaja hem duje čhajencar dživdini ano Colorado Springs.

Matthew Slabaugh

Izvršno direktoro, Adult & Teen Challenge Northern Indiana

Služini ano Adult & Teen Challenge taro 2015. hem isi le ilo te pomožini e muršenđe te arakhen sloboda taro zavisnost hem te doživinen promena e dživdipaći savi samo o Devel šaj te anel. Avela tari amiško zajednica, a o Devel lesoro drom korisninđa te vazdel ano leste bari ljubav prema manuša kola osetinena pe zaglavime ili bizo nada. E romnjaja, savaja si ano bijav pandž berša, dživdini ani Indiana – skoro užarena angluno čhavoro.

Snimkija